Rakhe ka KSU Mawlai Circle ia ka sngi pynneh Mariang

Shillong:Ka KSU Mawlai Circle ha ryngkat ka jing iadon lang u Rangbah Shnong, Secretary Shnong ki Nongkitkam Shnong bad ki dkhot jong ka Seng Samla jong ka shnong Kyntonmassar kum ka dak ban rakhe lang bad ka pyrthei hi baroh kawei ha ka 05tarik Jylliew, ka la leit ban pyllait dohkha haka wah Umshing Sohlang kaba don ha Kyntonmassar kumjuh ruh ban leit thung dieng hajan Um – Shyngiar kaba don ha ka shnong Umshing Mawkynroh.Ha shwa ban pyndep ia kitei ki kam ka la don shwa ka jingialang kaba lyngkot ba la pyniaid da u Samla Lambert Roy Shabong Environment & Cultural Secretary KSU Mawlai Circle uba lapdiang sngewbha ia baroh kiba la iapoi lang ha katei ka sngi.Laioh ruh iaka jingkren na u Samla Rapborlang Nongrum General Secretary KSU Mawlai Circle bad ha kajuh ka por u Publicity Secretary KSU Sengkmie uba laban jur iaki para Samla ba kin rah iaka khubor sha kiwei pat ba ngi dei ban sumar iaki sawdong sawkun jong ka Mariang ula pynpaw ruh iaka jing bynniaw halor ka jonglong jingman jong kane ka wah namar haki por mynshwa ngi ju ioh iaka ban wan khwai ha kane ka wah bad khamtam ba ka dei ruh ka tyllong um ba pynbiang iaka umbam umdih iaka Shnong Mawlai.Khatduh laioh iaka jingkren na u Samla Biangbor L.Paliar President KSU Mawlai Circle bad ha kajuh ka por u Organising Secretary KSU Sengkmie uba la pynkynmaw ba ka theme jong ka UN mynta u Snem kadei ‘Air Pollution’ kumta kadei iangi ki samla bad baroh u Khun bynriew ban ri ban sumar iaka Mariang khnang ba ka long mynta bad ka pateng ka ban kin ioh ban ring mynsiem da ka lyer kaba khuid ba suba.Ha kane kajuh ka sngi ka KSU Mawlai Nongkwar Unit kala ioh iaka ban leit shondur iaki karkhana bad ki ing briew kiba ju pyntuid jaboh sha ki wah bad na ka liang ka Unit ia kitei ki dur kala ai ha kti jong u Rangbah Shnong jong ka Shnong Nongkwar khnang ba un leh iaka ba donkam khnang ban wanrah biang iaka jingkhuid bad ba kan ym buh jingma iaka koit ka khiah jong ki nongshong shnong, ong ka kyrwoh na U bah Mac Donald Jitem, Publicity Secretary, KSU Mawlai Circle.