Rakhe ka AFC ia ka Grassroots Football Day ban pynkiew ia ka jingshim bynta

Shillong: Ka Asian Football Confederation (AFC) ka la rakhe ia ka sngi tynrai ne Grassroots Day myn hynnin ka 15 tarik Jymmang da ka jingthmu ban pynkiew ia ka jingshim bynta ha ka jinglehkai phutbol ha baroh ki kyrdan ialehkai.

Halor kane, ka Meghalaya Football Association ka la rakhe ia ka AFC Grassroots Day ha ka 11 tarik Jymmang ha kaba ka la don ka jingialehkai ki khynnah kynthei ha madan ka MFA ha Polo, Shillong.
Ki khynnah kynthei na ki san tylli ki skul, kila iashim bynta ha ka jingialehkai 5 ngut shiliang hapoh ka jingpeit ki coach ka MFA, ki Referee bad ki nongpyniaid.
Ka St Mary’s Higher Secondary School ka jop ia ka jingialehkai da ka penalty pyrshah I ka kytnhun ialehkai ki kynthei ka jylla.
Ka AFC ka la shim ba ka Gassroots Football kum ka phutbol kaba kyllum khlem da niew ia kiba tbit ne bym tbit. Kane ka pyllong ia ka phutbol ia ki khynnah, ki samla, kib ialehkai sngewbha, kiba la iaw, kiba shah iehbein ha ka imlang sahlang bad kito kiba dang shah hikai bad kiba duna dkhot met ban long kumjuh ban ioh ialehkai.
Ka MFA ka dang thmu ban pynjlan ia ka jingrakhe ia ka AFC Grassroots Day shaduh ka 18 tarik Jymmang da kaba pyllong shuh ia ki jingialehkai.