Rakhe Holi ha jylla Meghalaya

Shillong, 17 Lber:
Ryngkat bad ka Ri baroh kawei ki briew kane ka nongbah Shillong myn ta ka sngi kila rakhe ia ka jingleh kmen Holi ban pdiang burom ia ka pyrem bad kane ka jingleh kmen ka long ba ka jingbha kan jop ia ka jingsniew.
Ki paidbah jong ka ne ka nongbah Shillong khamtam eh na ki riew ngeit kiba bud ia ka niam Hindu kila pynlong ia ka jingiakhublei iwei iwei da ka jingiatah rong kaba mar kylliang kynthei bad shynrang.
Ka rong kaba la tah ha kum kane ka jingleh kmen ka long kaba saw, kaba jngum, kaba jyrngam bad kaba stem. Kawei ka khynnah kaba dang hynniew snem ka Poonam ka la ong ba ka dang da ka jingkmen ban rakhe ia kane ka jingleh kmen Holi.
Ha kane ka sngi la iohi ba ka don ka jingiatahrong iwei ia iwei da ka jingkmen khlem da don kano kano ka jingsngew namar kane ka dei ka jingleh kmen ban pdiang burom ia ka pyrmen.