Rakhe Eid ki riew ngeit Muslim ha Jowai

Jowai, 7 Naitung:
Kumba ki ju leh manla u snem ki paid riewngeit Muslim kiba shong basah ha ki thaiñ Jowai ki la pyndep ia ka niam ka rukom jong ki ha ka jinglehkmen Eid Ul Fitr. Ia katei ka jingleh niam ki Muslim ki laleh hadien ba la kut noh ka sngi shah jingit jong ki ka Ramadan. Ki Muslim ka thaiñ Jowai kila pynlong ia katei ka jinglehniam ha Khlieh Riatpamblah,New Hill da kaba pynlong ia ka Namaz ne ka nguh blei bad ia katei ka jingleh niam la lamkhmat da u Imam (u ba ju khot ia ki nongialam ka niam Muslim) u Jonab Md Faijur Rahman ha kaba utei u heh Muslim u la pule ia ki jingthh na ka kot niam bakhuid ki Muslim ka ‘Quran’. Hadien ba la dep ka jinglehniam ka la don ruh ka jingiakhublei iwei ia iwei hapdeng jong ki da kaba ia kdup ieit para ma ki.