Shillong: U MDC ka Mairang, U bah Batskhem Ryntathiang, uba dei na ka seng Congress, ula weng noh ia ka jingkyrshan jongu, ia ka Executive Committee jong U bah Latiplang Kharkongngor, hynrei un kyrshan noh ia ka kynhun United Democratic Alliance (UDA), ba la ialam da U bah Teinwel Dkhar jong ka seng UDP, ong ka khubor, ba dang shu ioh mynta ka sngi.
Lyngba ka rai jong U Bah Ryntathiang, kumta ka jingdon briew jong ka UDA, ka la poi mynta sha ka 15ngut bad ka jingdon briew U Bah Latiplang, ka la hiar sha ka 14ngut, lada khein lang bad U Bah PN Syiem, uba dei u lamphang dorbar.
U MDC ka Mairang Constituency u Bah Batskhem Ryntathiang mynta ka sngi u la iathuh ha ki ladpathai khubor ba un weng noh ia ka jingkyrshan na ka UDF ka EC thymmai jong ka KHADC bad un kynshan noh ïaka EC barim kata UDA.
Ha ba iakren bad ki lad pathai khubor u la iathuh ba ka jingwan jongu shane ban pynpaw ba un weng noh ialade na ka jingkyrshan ia ka UDF, namar ka jing lynga ka mynsiem ban shu peit kai ia ka jingiaknieh bor ha KHADC ki briew kim long ki ba iaid shah bad ki ban ia map ki bym long ki ba iatei ia ka jait bynriew kumta u iathuh ba ula shim ia ka rai ban weng noh ia ka jingkyrshan ia ka UDF bad ym dei ba thrang ia ka pisa ne ia ka shuki.
U la ong ruh ba ka EC barim ka la trei ia kaba bha tam, khamtam ia u bah Paul Lyngdoh ha ba khyllem ka EC barim ki bar jylla ki da shad kmen namar ba u shah bathar ki la lait noh na ki lada ka jingialeh ka long tang ha pdeng jong ngi yn ym don shuh ki nong iada ia ki jait bynriew nga wan hangne ban pynpaw bad pynshongdor ia ka jingtrei jong ka EC barim kim shem la shong kli kti ki la leh lut ia ka badei kum u bah Paul ngi dei ban ai mynsiem ym ban tan ia ki.”
“Nga buh ia ki jait bynriew shakhmat nga khlem kynduh ia ka ia ki UDA ngam ithuh bha ia u bah Paul bad ngam treh ia ka shuki EM nga dang tymmai ha kane ka kam bad haduh da kut kane ka san snem ngan shong khlem shuki ruh hynrei nga wan ban buh ia ka jait bynriew shakhmat nga wan ban shakri ia ki jait bynriew u la bynrap” ula ong.
U la ong ruh ha District Council ngi don ki khasi suda haba iohi ia ki jingduna ngi dei ban ia pynbeit ba kam dei ban pynkhyllem ia ka EC na ka por sha ka por ka la ijah burom ,San snem ki CEM ki wan san ne hynriew ngut ki kam ka Council kim iaid shuh ki la shu dkoh lut la kin trei kam ne kin ia beh briew dei na kata ka daw ba nga weng ia ka jing kyr shan jong nga ia ka UDF.
“Ngam leh pyrshah ia ka party Congress, hynrei kam don ka ain ka ban khang ba u Congress um lah ban ieid ia ka jait bynriew kynta nga wan hangne ban pynbna ba ngan weng noh ia ka jingkyrshan ia ka kynhun ba thymmai ba ngi la thaw. Nga jied ban im marwei ban ia ki paralok ki ba ialam bakla da ka ba burom ia u bah Paul Lyngdoh bad ia ka EC barim bad ngan kyrshan ia ka jingtrei kam ka EC na shabar” ong u bah Ryntathiang.
Pynpaw ia ka mynsiem Ieid ri bad jaitbynriew ym tang na shyntur, hynrei kum U Tirot Sing Syiem. Lada phi shukor phin hap iaid da khongpong hadien. Namar ka horse trading at KHADC has gone up and up. Bhai ek ghoda ya ghodi crore pe pauch gya. Te yn pyndap bai thied kulai ne shna fencing iada jait bynriew?
Shabas bah ryntathiang, Kum ka kyrteng Kum ka Kam, ki paidbah baroh ki iohi is kata ka Kam ka kren kham jam ban is ka ktien
Lada don kum i bah ryntathiang tang 5 ngut ha KHADC ka jaitbynriew khasi jong ngi kan dang iai im, hynrei te lh noh shariat