U Joe Biden, President ka United States of America (USA), uba don mynta 81 snem ka rta, ula pynbna, ba un nym iakhun biang ia ka elekshon President, ka ban long ha U Naiwieng 2024, hynrei, un kyrshan ia ka Kamala Harris, kaba dei mynta ka Vice President, ba kan iakhun ia katei ka shuki President ha kane ka sien, na ka tiket jong ka seng Democrats. U Biden, ula jop ia ka elekshon ha u snem 2020, ha kaba ula pynliem ia U Donald Trump, ha katei ka sien.
Ka jingweng noh jong U Biden, na ka jingialeh, ka long, hadien ba ula nang iaw ka rta jongu bad nangta, ba um shym la leh bha, ha ka jingiatainia pyrshah ia U Donald Trump, uba dei u kyrtong jong ka seng Republican, ha ka sien iatainia kaba nyngkong.
Phi don ban ong eiei?