Nongstoiñ:Ha ka 8 tarik u Naiwieng 2021 ka ïing bishar jong u Special Judge (POCSO), Nongstoiñ, ka la rai pynrem ïa u Banteilang Sohshang da kaba yn set phatok 10 snem ha ryngkat ka kuna kaba T. 30,000.
Katkum ka tyllong khubor na ki pulit, la ong ba u Banteilang Sohshang, u la shah kem bad shah rai pynrem halor ka jingdonkti jong u ban leh beijot ïa kawei ka khynnah kaba dang hapoh 18 snem ha kawei na ki shnong hapoh West Khasi Hills District.
Shuh shuh la ong ruh ba katei ka jingjia ka la jia ha u bnai Ïaïong jong u snem 2016 bad ki pulit kila kem noh ia u tei u briew hadien ba kila ioh pdiang ïa ka jingujor bad register ruh ïa ka case hapoh Nongstoiñ Police Station katkum ka case number 26(02)2017 U/S 5 (l) (n)/6 of POCSO.
Kumta da ka jingtrei shitom ki pulit ka West Khasi Hills ban pynlong ïa ka jingtohkit kaba bniah u tei u briew u la shah rai pynrem ha ka ïing bishar bad la lah ruh ban pynïoh ïa ka jingbishar kaba hok da ka ïing bishar u Special Judge (POCSO), Nongstoiñ.
Phi don ban ong eiei?