Rai pynhiar dor ka sorkar BJP, na bynta ka dor buiam shet

New Delhi:Kum shibynta ban khring ïa ki nongthep vote ha kaba ïadei bad ka election Lok Sabha 2024, ka BJP kaba synshar ïa ka sorkar pdeng, kan sa pynduna noh ïa ka dor jong ka LPG cylinder.

Katkum ka jingtip ba la ïoh lum, ka sorkar BJP ha ka sngi baar ka 29 tarik u nailar, ka la rai kan pynduna noh ïa ka dor jong ka LPG cylinder kaba don 14 kilo sha ka dor kaba 200 tyngka kawei.
Ka sorkar BJP, ka la ong ba ka jingpynhiar dor ïa ka gas cylinder ka long ban pynduna ïa ka jinglut ksan jong ki paidbah na ka daw jong ka jingkiew dor palat jong ki mar ki mata.

Hynrei kane ka jingleh jong ka sorkar BJP, ka long pynban kum shibynta ban pynbiej ïa ki nongthep vote ha kaba ïadei bad ka election ha ki jylla bad ruh ha ka election Lok Sabha.
Ia ka dor jong ka LPG cylinder, yn sa pynduna na ka bynta ki nongthied nongpet bad kumjuh ruh ïa ki oil marketing companies kum ka Indian Oil Corporation (IOC), Hindustan Petroleum Corporation Limited (HPCL) bad ka Bharat Petroleum Corporation Limited (BPCL).