Rai noh ia U Manas, ong ka GLCDS

Shillong, 20 Jylliew:
Ka Greater Laban Community Development Society (GLCDS), ka la phah ia ka dorkhas jongka sha U Deputy Commissioner jong ka East Khasi Hills, ha ka 17tarik mynta u bnai, ha kaba ki kwah ba un rai noh, ha kaba iadei bad ka jingdawa jongki, ban pynpra noh ia ka iing kaba la shna beain, kaba la long trai da U Manas Choudhury.
Ha ka kyrwoh na U RK Dutta President jong ka Seng, bad u bah A Marwein General Secretery, la phah shuh shuh ia ki kot ki sla, ba la lum da katei ka Society, ha kaba la pyni, ba u trai jong katei ka jaka, kaba dei ka number 109, kaba don ha ka Ward No. 22, ka dei kaba la long trai da U Md Ishanuddin Ahmed.
Ka Society, ka la byrngem ba kan nym iehnoh satia ia katei ka kam, ba shim ia kano kano ka lynti, ban khanglad ia kitei ki riew shim kabu.