Shillong:Ki nongrep kiba don hapoh ka seng Hills Farmer Unit ( HFU) ha ka jingialang jong ki kaba la long mynta ka sngi ha Khasi National Dorbar Hall ki la shim ia ka rai ba naduh ka 7 tarik mynta u bnai kin pyni bor noh bad kin ym shah satia ban ot kilo ia ki mar-rep jong ki ha ïewduh bad ki la rai ban ialeh pyrshah ia ki briew kiba ot kilo ia ki mar –rep jong ki.
U President ka HFU u bah Commander Shangpliang u la ong ba kham mynshuwa ka Hima Mylliem ka la pynmih ia ka hukum bym shah ban ot kilo hynrei ka jingshah ot kilo ki nongrep ka dang bteng haduh mynta ruh. U la iathuh ba mynshuwa ki ju ot 10 kilo na ka byrni kaba don 60 kilo shajrong bad haduh mynta ruh dang don kiba shah ot kumjuh hynrei ia kito ki nongrep kiba kham khor pat kim nud ki ot noh tang 2 lane 3 kilo. U la iathuh ba dei ki Mahajon kiba ot kilo na ki nongrep bad kitei ki Mahajon ki iathuh ba u Marwari ruh u ot kilo na ki.