Shillong:Ki nong kamai kali bus saw kiba kamai ha baroh ka sor shillong, myn hynnin ka sngi ha ka 14 tarik u Rymphang, ki la rai ba lada ki dang shah khang ban kamai kin boycott noh wat ia ka eleleksho ka ban sa long ha ka 27 tarik mynta u bnai.
Kine ki bus ki lah shah khang ban kamai naduh ka 23 tarik u nohprah 2022. Hynrei mynta ka sngi ki la mut ban kamai sha khyndai lad ter ter, hynrei la shah bat bad shah beh noh ha ki bor pulit, namar ym pat shah ban kamai.
Ha ka jingiakren bad ki lad pathai khubor u bah Diblestar Myrthong President SPTS, u la ong ba ki la phah kot sha ophis DC, ba kin ailad biang ia ki ban ioh kamai lane ba kin ai da ka odd and even number ba kin kamai, hynrei haduh mynta lah don 3 taiew kam shem laong kam kumta ki nong kamai bus saw kia rai ban pynsangeh noh syndon ia ka elekshon.
Ka Shithi Sha Ki Roman 13:1Man la u briew to un pynhapoh ha ki bor bahalor. Naba ym dei ka bor kaba nano nano hynrei kaba na u Blei, bad kito kiba don ïa ka ki long kiba la buh u Blei. 1 Petros 2:13[13]Na ka bynta u Trai, to kohnguh ïa kano kano ka bor synshar, la ïa u patsha kum u nongsynshar rangbah, Ks advice ia baroh ki nong niah bus bad ki passenger ruh kumjuh.