Shillong:Ka seng United Democratic Party (UDP) lem bad ka Parti Hill State Democratic Party (HSPDP) ha ka sngi balang ki la shim biang ia ka sienjam ban pynkhlaiñ ia ka kynhun Regional Democratic Alliance (RDA), kaba dei ka kynhun synroplang jong ki artylli ki parti riewlum.
“Ngi la shim ia kawei ka rai ban pynkhlaiñ ia ka jing long trai lyngba ka kynhun RDA”, la ong u bah Metbah Lyngdoh u president jong ka parti UDP hadien ka jingialang bad ka parti HSPDP ha ka jingdon lang u president jong ka parti HSPDP u bah KP Pangniang.
U la ong ruh ba ki nongialam jong kine ki parti riewlum ar tylli kin ia trei ryngkat lang ha ki bun tylli ki mat kiba ktah ia ka jylla.
U bah Metbah Lyngdoh, u la iathuh, ba kine ki parti artylli kin sa ia kynduh shen ban jied ia ki nongialam ba thymmai jong ka kynhun RDA.
Wat la ka UDP bad ka HSPDP, ki khlem ia treilang satia ha ka elekshon ba dang shu dep na ka liang u bah Metbah u la iathu ba ki la don ka jing sngewthuh ban Iatreilang hadien jong ka elekshon.
Dei na kane ka daw kine ki artylli ki parti kin sa ia treilang bad ban shim lang ruh ia ka rai ha ka kynhun jong ka RDA.
Ka parti UDP kaba don 12 ngut ki MLA, ka parti HSPDP kaba don 2 ngut ki MLA ha ka ïingdorbar thawaiñ ba 60 ngut ki dkhot.
UDP is a B team of npp, riding on the bus driven by conrad.
kim don nongrim laka jong, ki shu shaniah beit hala u kynrad.
kumnoa ki paidbah kin bud ïaka party ba khlem nongrim bad ïa u nongïalam ba khlem nongrim.
ka VPP ka don u nong ïalam u leader bym treh ban bud ï’u conrad,
jied ïa u khla ka wait ban ïaleh,
ym ïa ki khla circus kiba pynkhih tdong ha khmat u ring master