Shillong: Ka United Democratic Party mynta ka sngi ka la pynlong ia ka jingialang CEC jong ka party naduh ba laioh ia u nong ia lam ba thymmai ban ia kren halor ka CAA,ILP bad kawei na ki kam jong ka party ka ba kynthup ia ka election shiteng samoi ka ban sa long ha Ranikor constituency.
Ha ba ia kren bad ki lad pathai khubor na ka liang u Bah Bindo M Lanong (advisor ka UDP) u la iathuh ba ka jing ia kren ha kane ka jing ia lang ka long ba ki pynpaw ia ka jingsngew khia, halor ka Citizenship Amendment Act, ha kaba na ka liang ka party UDP ka la rai ba kin pyrshah beit ia ka CAA kum ba kiwei ki sengbhalang bad ki paidbah ha baroh ka jylla ki pyrshah.
U la iathuh ba ka party UDP ka pdiang sngewbha ia ka jingpynmih rai jong ka Supreme Court ha ka ba ka la sngap ka jingujor jong ki paidbah ka Ri kylleng bad ka la pan ruh ia ka jingpynshai na ka Sorkar India bad ki khmih lynti ba ka Supreme court kan ai ia ka rai ba ki paidbah ki kwah.
Ha ka ba ia dei bad ka jingdawa ban pyntrei kam ia ka ILP ha ka jylla ka CEC,UDP ka la kyrshan ia ka rai jong ka sorkar jylla ha kaba ka la shim ia ka rai ha ingdorbar ba kyrpang ka ba la pynlong ha ka 19 tarik u nohprah 2019 ha ka ba ka la pdiang ia ka rai ban pyntrei kam noh ia ka ILP ha ka jylla. Na ka liang jong ka party UDP ruh ki la rai ban kyrshan ia ka jingdawa ban pyntrei kam noh mardor noh ia ka ILP ha ka Jylla.
Na ka liang u bah Jemino Mawthoh u general secretary ka UDP u la ong ba “Ha ka ba iadei bad ka jingjied ia u MDC ha eleksion shiteng samoi ha 26 –Langrin ka ban long ha ka 28 tarik u Rymphang 2020 bad na ka liang ka UDP ki la ai ia ka kyrteng ia u bah Puis Marwein kum u kyrtong, hynrei ba ngi iadei ki ba synrop lang ia ka HSPDP hapoh ka Regional Democratic Alliance (RDA), ngin shong ia mir jngmut bha shuwa bad ki dkhot ka HSPDP ruh ngin sa ia thuh ia u kyrtong ynda ngi la dep ka jingiamir jingmut ha baroh artylli ki party”.
Kam don jingmut ban shu rai shi rai tang ha ki kot khubor. Ka jaitbynriew Hynniewtrep Khasi jongngi ka la donkam kyrkieh ia ka ILP. Sngewbha leh da ki kam ym ban shu rai tang ha ki jingialang party.
Ka jait bynriew Hynniewtrep Khasi jongngi ka la don ha tmier…..
Haba kren da kaba shisha dei ban pynpaw ia kaba shisha. Nga lyngngoh marwei haba nga iohi ia ka jingpyrshah jong ka party UDP ia ka CAA lyngba ka rai ka CEC kat kum ba la thoh ne pynpaw da u bah Bah. B. Lanong. Ka daw ka long namar ka trai iing (NPP) ba ia sah ne iashong wai kumba la thmu ka long 5snem ka ai ka jingkyrshan ia kane ka bill.
Lada ka party ka pyrshah shisha ia ka CAA ( ynnai kren is ka ILP namar ka wan ka jingkyrshan dawa ILP tad hadien ba lah rai ia ka CAA). Ka party ka dei ban mih noh na ka iing wai ban pynpaw ba kane ka party ka dei shisha kaba kren ia ka jingshisha.
Ba ka party pat kan ong pat pyrshah, katba ha iingwai pat ha syndah, ka long kaei kaei kaba nga shimet ngam sngew don nongrim.