Rai ka Supreme Court, ba ka jaka ba ia kajia, kan leit sha ki hindu, ba kin tei ia ka Ram Temple

Ka Supreme Court mynta ka sngi, ka la aiti ia baroh 2.77 acre ka khyndew, kaba don jing ia knieh sha ki seng hindu, na ka bynta ba kin tei ia ka temple u blei Ram.

Nangta yn ai ruh ia ka jaka kaba 5 acre, kaba don ha syndah jong katei ka jaka jing ia knieh sha ka Sunni Waqf Board, na ka bynta ka jingdonkam jongki.

Katei ka rai ka mih mynta ka sngi, ha ka jing pynmih ia ka rai da U Ranjan Gogoi, Chief Justice ka India ha ryngkat kiwei pat ki nongbishar bad kitei ki kynthup ia U Justice SA Bobde, DY Chandrachud, Ashok Bhushan bad U S Abdul Nazeer.
Katei ka rai kaba pynmih mynta ka sngi, ka dei hadien khyndai snem ba ka Allahabad High Court, ka la rai ban ia phiah ia katei ka khyndew kaba don 2.77 acre hapdeng ki lai kynhun, ba kynthup ia ka Ram Lalla, ka Sunni Waqf Board bad ka Nirmohi Akhara. Katei ka high court, ka rai ruh ba ki Hindu bad ki Muslim, ki dei ban ia bat lang ia katei ka khyndew ba don jing ia knieh.