Rai ka sorkar jylla, ban pynjlan rta thung kam sorkar, sa san snem shuh shuh

Shillong: Ka jingshong dorbar jong ka kynhun myntri, kaba ong mynta ka sngi, ka la mynjur, na ka bynta ban nang pynjlan shuh ia ka rta thungkam ha ki ophis sorkar jylla. Kham mynshwa, ka rta, ka long haduh 32 snem, na kaba ju long 27 snem ia ki kandidet paidbah; hynrei mynta, la nang pynjlan shuh sha ka 37 snem ka rta.

Katei ka kyndon, kan nym trei kam satia ia kito kiba tyrwa ialade ha ki kam pulit, forest guards, home guards and civil defence, kaba donkam ia ka jinglong jong ka met jong kiba tyrwa ia kitei ki kam.

U Conrad Sangma, myntri rangbah ka jylla, ula ong “Ka long ka rai kaba sah kynmaw, ba ka kynhun myntri, ka la rai ban nang pynjlan ia ka rta thung kam ia kito kiba tyrwa kam sorkar, da 5 snem”.

“Lyngba kane ka rai, katei ka jing pynjlan snem, ka tam na ka 32 snem kaba la ju mang ia ki Scheduled Tribe (STs) bad mynta sa san snem, kaba long sha ka 37 snem” ong U Sangma.