Ka la dei ka jingjop ia ki nongrep ha Haryana, haba ka sorkar jylla, ka la rai ban ai shuti ia U SDM jong Karnal, uba donkti, ban phah shoh ia ki pulit, ia ki nongrep, kiba pynlong jing iakhih ha katei ka District, ong ka khubor jong ka The Indian Express.
Lyngba katei ka rai jong ka sorkr, kumta ka jing ia kynad kaba san sngi, hapdeng ki nongrep bad ki bor district ha Karnal, ka la kut noh hynnin ka sngi, haba ka sorkar Haryana, ka la mynjur ban pynlong da ka jing tohkit, da u nong bishar ba la shongthait jong ka Haryana High Court, halor ka jing bom lathi, ia ki nongrep, ha ka 28tarik Nailar 2021, ha ka jaka khrong khajna ia ki kali, ha Bastara. La dep rai ruh ban ai shuti ia U Ayush Sinha, SDM, kat haduh ba kan dep ka jingtohkit.
La ia mynjur ruh ban ai kam ia arngut na kiba ha iing jong U Sushil Kajar, uba la iap ha ka jingshah bom lathi, ha kaba yn ai kam ha ophis U Deputy Commissioner, ka Karnal. Ki nongrep, ki dawa ban sospen shi syndon ia U Sinha, uba dei u ophisar IAS jong u snem 2018 bad ban ujor da ka ejahar pyrshah ia u, namar katei ka jingbom lathi bad ba ki nongrep, ki la ioh ruh ia ka video, kaba ula hukum ia ki pulit, ba kin tied pynpait beit ia ki khlieh jong ki nongrep, kiba pyni bor ia ki pulit.
ha Meghalaya ka sorkar ka iada ia ki pulit