Shillong: U myntri ba dei ban peit ia ka tnad ka koit ka khia u bah Alexender L Hek mynta sngi ha ba iakren bad ki lad pathai khubor u la iathuh mynta ka sngi u jingpynlong ia ka jing ialang hapdeng ki nong pyniaid jong ki Hospital bapher bapher ha ka ba la rai ba lada don ba ioh pang ia ka jing pang Covid-19 ha ka jylla,ka Civil Hospital ka ba don ha Shillong bad Tura yn pynkylla sha ka Corona Care Center.
U la iathuh ba ia mynta ka Civil hospital Shillong ka dang don 40 tylli ki jingthiah na ka bynta ki ba ioh pang Covid-19 hynrei na ka liang ka sorkar jylla ka la rai ba kan pynkiew noh sha ka 200 tylli kynthup ia ka Daycare Cancer wing. Kat ba ha Tura Civil Hospital un buh ia ki 80 haduh 100 tylli ki jingthiah na ka bynta ki ba ioh pang ia kane ka jingpang Covid-19.
U bah Hek u la iathuh ruh ba lada ka jylla ka la don tang uwei ruh u nong pang Civid -19 na ka liang ka sorkar jylla kan pynkynriah noh ia ki wei pat ki nongpang ki ba don ha kine ki Civil Hospital sha ki hospital jong ki riew shimet.
U la iathuh ba lada don kane ka jing pynkynriah ia ki wei ki nong pang na ki Civil hospital baroh ki jing lut jing sep yn bei hi ka sorkar lyngba ka skim MHIS.
U la iathuh ruh ba ym tang ia ki ba don kyrteng ha ka MHIS hynrei ka sorkar kan ia rap ia ki nongtrei bylla ki khynnah pule ki ba don ha ka ne ka jylla bad ki ba ym shem la ioh ban leit phai sha la ing na ka jing pakhang shnong.
Kiba la wan ha kane ka jingialang ki long ki nong pyniaid jong ki hospital kum ka Robert Hospital,Woodland Hospital,Bethany Hospital,Nazareth Hospital,Children Hospital Super care Hospital,BSF Hospital, bad kaArmy Hospital.
Na ka liang ki nong pyniaid jong kine ki hospital ki la kular ban ia snoh kti lang bad ka sorkar ha kaban ia leh pyrshah ia u khniang jng pang Covid-19.
Phi don ban ong eiei?