Rai ka sorkar ban pynkiew khajna ha Municipal

Shillong, 06 Nailur:
Ka sorkar mynta ka sngi ka la rai ban pynkiew ia ka khajna ha Municipal ia ki jingwah jingpynbna bad kiwei ki jingdonkam. Ka jingialang ka kynhun myntri, ka la rai ban pynkylla ia ka Amendment ka Meghalaya Municipal Act 1973 khnang ban pynmih khajna ia ka Municipal kaba kyrduh pisa palat hadien bun snen.
Na ka liang u myntri ka tnad Municipal u Bah Ronnie V Lyngdoh u la ong ba na ka bynta ban pynmih khajna ia ka Muncipal,la donkam ban wanrah da ka jingpynkylla ia ka Meghalaya Municipal Act 1973 bad ka sorkar ka la pdiang ban leh ia kane.
U la ong ba ki jaka sor ki donkam ban don ki jingdonkam paidbah paidbah kum ki ding surok, ki jingkhuid, bad kiwei.