Shillong: Kum shi bynta ban lah ban teh lakam ia ka jingpursted jong ka khlam Covid-19 ha ka jylla, ka sorkar jylla ka la rai ban pynjari da ka jingkhangdam ba pura (Complete Lockdown) ha East Khasi Hills, naduh ka 8 janmiet jong ka 5tarik u jymmang haduh ka 5 baje mynstep, jong ka 10tarik u Jymmang 2021.
Haba ia kren bad ki lad pathai khubor na ka u myntri rangbah ka jylla, u Conrad K Sangma, u la iathuh ba ka rai ban pynjari ia ka jingkhangdam (total lockdown) ha East Khasi Hills District bad kumjuh ha kiwei ki District yn pynjari da ka jingkhangdam kaba shisien shitaiew (weekend lockdown).
Ha kaba iadei bad ki Examin, ka ban sa long ha ka 6 tarik bad 7 tarik mynta u bnai ka sorkar ka la rai ban rah noh sha ka 11tarik bad ka 12tarik u jymmang 2021 bad halor kane la bynshet ha ka tnad pule puthi ban pynmih ia ka jingbthah halor lane ka bynta.
U Myntri rangbah u la ong ka jingpynkylla ia ka containment Measure, sha ka jingkhangdam ka dei na ka daw ba ki briew kiba la ioh ia kane la jingpang ki la tam ia ki 2000 ngut bad ka positivity rate ha shillong ka dei 17% bad 12% ha East Khasi Hills bad la jingdon jong ki briew ha ki Hospital ka la kot sha ka 60% ha Shillong, kumta la hap ban shim ia ki rai ki ba kham pyrkhing ban trhlakam ia kane ka khlam ha ka jylla.
Ha kaba iadei ba ka iaid ka ieng jong ki kali la khang pura, la khang ia ka leit shabar ka jylla bad la khang ban iarung ia mih na East Khasi Hills.
Baroh ki iew ba don ha East Khasi Hills kin khang lut kat ba ki la ailad ban plie tang ia ki dukan ki ba don ha ki shnong ki thaw, ia ka Home delivery services ka sorkar ka shah ban trei kum ba julong. Kiwei kiba ka sorkar ka shah ha kane ka por ba don ka jingkhang dam ka long ka iaid ka ieng na ka bynta ki mar rep bad ia kane la bynshet ha ka deputy commissioner ba kan pynbeit.
Ka sorkar ka shah ruh ia ki jingiathoh shong kurim ki ba la ioh jingbit lupa ha ka ba la shah tang 20 ngut ki nongshim bynta bad ka jingleit ontep briew la shah tang 20 ngut ki briew ha ryngkat ka jingioh jingbit na ka Deputy Commissioner.
Ha kane ka por ba pynjari ka jingkhangdam la pyllait ia ki health services bad ka jingai Vaccination drive kan bteng kum ba ju long. La pyllait ruh ia ki ophis trei kam ki ba kynthup ha ki Essential services bad kum juh la pynlait ia ki kali kit mar bam mardih ha ka ba ka jingai jingbit, yn sa ai da ka Deputy Commissioner, East Khasi Hills.
 | ReplyForward |
Phi don ban ong eiei?