Rai ka sorkar ban iarap ia ki lanot

Shillong, 19 Jylliew:
Ka sorkar jylla ka la rai ban ai ia ka jingiarap sha ki briew kiba iakynduh ia ki jingjia ne shem lanot namar ki kam runar. U Myntri Rangbah ka jylla u Mukul Sangma u la ong ba ka jingialang jong ka kynhun myntri ka la rai ban ai jingiarap ia kito ki briew kiba shah ktah na ki kam pyntriem katkum ka jinglong jingman.
Halor kane ka sorkar kan dang pynkhreh shwa bad ki tnad sorkar. Ka jingialang jong ka kynhun myntri ka la pdiang ruh ia ka jingpynkylla ia ka dor jong ki mar ki mata ban shim khajna katkum ka Meghalaya Value Addition Tax Act 2003. “Ka khajna jong ki mar ki mata la pynkiew sha ka 5 per cent”, la ong u Mukul.
Shwa ia kane, ka sorkar ka shim khajna na ki mar ki mata ka long 4 per cent. U Mukul u la ong ba ka sorkar ka rai ban pynkiew ia kane namar ban kyntiew ia ka jinglum pisa ia ka sorkar.
Ia kane ka jingai jingmut la pdiang hadien ba la pynshong nongrim katkum ka jingai jingmut jong ka Task Force jong ka Taxation department kaba la pynkhamti halor kane.