Shillong: Dang shen ka seng Bharatiya Janata Party(BJP) ka la pynlong ia ka jingialang jong ka ha kaba ha katei ka jingialang ka la rai ban pynieng kyrtong tang na kawei ka konstitwensi napdeng ki laitylli ki konstitwensi na ka bynta ka elekshon shiteng samoi ban mihkhmat shapoh ka ïing dorbar thawaiñ ka jylla ka ban sa long ha ka 30 tarik u bnai Risaw 2021.
Ha katei ka jingialang, ka seng BJP ka la rai ban pynieng kyrtong tang na 47 Rajabala Constituency ha kaba ka seng ka la ioh ban pdiang ia ki kyrteng jong ki arngut ki briew kiba kwah ban iakhun ia kane ka elekshon bad na ka liang ka seng ka la iakren bad rai ban phah ia ka kyrteng jong u Kingstone B Marak u ba bat mynta kum u District Vice President jong ka BJP West Garo Hills District.
Ha katei ka jingialang la don bynta da u State President ka BJP u Bah Ernest Mawrie bad la don bynta lang ruh da u National Vice President jong ka jylla Meghalaya u Dr M Chuba Ao bad u Bah Sanbor Shullai u ba dei u Myntri jong ka Sorkar Jylla.
Phi don ban ong eiei?