Rai ka Mawlai Syllaikariah ban thep vote, hadien ba la shimkhia ka tnat PHE

Shillong:Ka Dorbar Shnong Mawlai Syllaikariah, ka la shim ia ka rai ban weng noh ïa ka rai ban ‘Boycott’ ne ban nym ïashimbynta ha ka jingïathep vote ha ka ilekshon Lok Sabha, ka ban long ha ka 19 tarik ïaïong.

ïa kane la rai la shim da ka Dorbar Shnong hadien ba ka Tnat Public Health Engineering (PHE) ka la shimkhia ban shna pynbha lut ïa baroh ki surok bad ki lynti ïaid kjat kiba la pynjot ha ka jingthep ïa ki pipe um ha ki snem ba la leit noh.

Ka khubor ka ïathuh ba u contractor ula shimkhia ban pyndep lut ïa baroh ki kam ba ïadei bad ka jingsiang rong ïa ka surok ba la tih haba thep pipe um bad kumjuh ruh ïa ki lynti ïaid kjat ha baroh ki kyndong kynshrot jong ka Shnong.