Ka kashari jong ka United Kingdom, ka la rai ban pynphai noh ia U Vijay Mallya, uwei na ki heh spah jong ka India, uba don ha katei ka Ri bad uba la shah kynnoh ba ula bam tuh ia ka pisa jong ka India, kaba poi sha ka T.9hajar klur. Ka kashari, ka ailad mynta ia U Mallya, ba un ujor halor katei ka Ri, hapoh 14 sngi.
Ka CBI, ka pdiang sngewbha ia katei ka rai jong ka Emma Arbuthnot, kaba dei ka Chief Magistrate jong katei ka kashari. Katei ka rai, mynta kan leit sha u Sajid Javid, uba dei U Secretary kam poh iing ka UK, ba un pynmih ia ka hukum jongu, halor katei ka rai.
U Mallya, uba don 62snem ka rta, ula pynpaw, ba u kloi ban siew lut ia ka bai trai, kaba ula shim na ki Bank bapher bad ula pynthikna ba un leh ia kaei kaba ula kular.