Rai ka iing ka sem jong u Bah David Nongrum ban nym pynieng kyrtong ha ka By-election

Shillong: Hadien ka jingkhlad ba kyndit jong u MLA ka Mawryngkneng, u Bah David Nongrum u ba la khlad noh ha ka 2 tarik u Rymphang 2021, na ka liang ka iing ka sem jong u Bah David ki la rai ba kin nym pynieng kyrtong iano iano ruh na ka bynta ka elekshon ba shiteng samoi (Bye- election) ban jied biang da uwei u nongmihkhmat ban mihkhmat na kane ka konstitwensi Mawryngkneng sha ka iing dorbar thawaiñ ka jylla.

U Bah Charles Pyngrope uba dei u kpa jong u Bah David Nongrum bad ha kajuh ka por u ba long ruh u MLA jong ka Nongthymmai Konstitwensi, mynta ka sngi u la kren ha ki katto katne, ki lad pathai khubor, u la ong, “Kum ka iing ka sem, ngi la rai ban nym pynieng kyrtong iano iano ruh bad ia kane ka rai jongnga, ngan sa tip sha nongialam ka seng Congress khnang ba kin jied hi ma ki ia u kyrtong u ba ki mon ban pyniakhun ha kane ka elekshon shiteng samoi”.