Rai ka DC, KHADC, bym pat shah ban plie ia ka Iewduh

Shillong: Ka Deputy Commissioner jong ka East Khasi Hills District ka kong Matsiewdor W Nongbri, mynta ka sngi ka la khot ia ka jingialang ia ka KHADC, ka Hima Mylliem bad ka Superintendent of Police u ban iamir jingmut ha kaba iadei bad ka jingplie ia ki dukan ha Iewduh.

Ha kane ka jingialang la shim ia ka rai ba ia mynta ym pat long ban plie ia ka iewduh, kham tam ha kum kane ka por ba ka jylla ka dang don hapdeng ka jingialeh ban teh lakam na ka jingsaphriang ka khlam Covid-19. Mynta ka sngi ka Deputy Commissioner ka la pyniaid ia ka jingialang, ha ka jingiadon ryngkat u CEM ka KHADC u bah Titostarwell Chyne, u majistor, ki myntri na ka Hima Mylliem bad ka Superintendent of Police.

U CEM jong ka KHADC, u la iathuh ba hadien ka jing iamir jingmut ha pdeng ka Deputy Commissioner, ka Superintendent of Police, ki myntri jong ka Hima Mylliem, la shim ia ka rai ba ia mynta hi kam pat long ban plie ia ka iewduh.

Kum ban shu kynmaw u symbud myntri rang bah ka jylla hynnin ka sngi u la iathuh ba ka rai ban plie ia ki dukan badon ha iewduh bad Khyndai lad long hadien ka kaiphot ba la ioh na ka Deputy Commissioner.