Rai ka BJP Pynursla ban pynjop ia u kyrtong ha 2018

Shillong, 28 Iaiong:
Ka BJP Pynursla Mandal ka la rai ban sei kyrtong bad ban trei tyng-eh ban pynjop donburom ha kane ka elekshon MLA 2018 ban wan na Pynursla konstitwensi.
Ka BJP Pynursla Mandal lyngba ka Committee kaba la shong pyrkhat mynta ka sngi ha ophis trei kam jong Seng ha Pynursla da kawei ka jingmut la iarai lang ban pynieng beit ia u kyrtong ha ka elekshon MLA 2018 na ka Pynursla Constituency, la ong u Secretary u Bah Treilang Khonglam.
U la ong ba ia kane ka khubor la pynsaphriang sha ki paidbah nongkyrshan ba kin tip bad ba kin wan ruh ban ia treilang bad ka Party na ka bynta ban pynjop ia u kyrtong.
La sngewthuh ba ka party ka la don u kyrtong uba biang bha bad don jingkyrmen ban rah ia ka thong ha kane ka kynti tangba kam pat kwah ban pynbna ia mynta.