Shillong:Ka BJP ruh, ka la rai ban iakhun ia ka elekshon shiteng samoi na Ranikor bad katei ka dei ka rai jong katei ka seng, ha ka jing ia kynduh jongka, kaba mynta ka sngi, ba la don lang U Ajay Jamwalji, U General Secretary organization North East Zone Bharatiya Janata Party.
U Ajay Jamwalji, ha ryngkat bad ki nongialam jong ka seng BJP, ki la ia kynduh ia u myntri rangbah ka Jylla, U Conrad Sangma mynta ka sngi.
Ha ka jing iakynduh jong katei ka seng, U Ajay, ula pynshlur ia ki nongialam jong ka seng, ba kin trei shitrhem ba kin poi shaduh sha ki tynrai bah jong ki paidbah bad la rai ruh ba ki MLA jong ka seng, kin don ha ophis jong ka seng, shisien shi taiew.
Ban kyrshan ia ka NPP, ha South Tura Constituency, ka BJP, ka la rai ban phah ia ka jingmynjur jong ki nongialam kiba don ha Delhi.