Rai ka BJP, ban kynjat noh ia ka NPP, ha ka sorkar thymmai ha Manipur

Guwahati:Ka seng BJP, kan iai bteng ban iatrei lang bad kiwei pat ki seng sain pyrthei, na ka bynta ban thaw ia ka sorkar synrop ha Manipur.

Ka BJP, ka la jop da 32 ngut ki MLA, na ka jingdon briew kaba 60 ngut ha katei ka iing dorbar jylla.
U N Biren Sing h, myntri rangbah ka Manipur, u ong ba ka seng BJP, kan iatrei lang bad kiwei pat ki seng kiba ia sngew thuh jingmut, ban don ha ka sorkar synrop, ban iatreilang, hynrei ha kajuh ka por, ula kren shai ba ka seng, kan kynjat noh ia ka National People’s Party (NPP). “Ngam tharai, ba ka NPP, kan dang iai don bad ngi” ong U Singh ha ki kotkhubor.

Ha ka jing kanbas elekshon, kaba dang shu dep, U Hima nta Biswa Sarma, myntri rangbah ka Assam, ula kren shai ba ka NPP, kan nym don bynta lang satia ha ka sorkar thymmai, ban khlieh da ka BJP ha Manipur.