Rai ka AGP ban mudui ia ka ain CAA sha Supreme Court

Guwahati: Hadien ba ka la kyrshan ia ka ain Citizenship Amendment Act ha Parliament, ka seng Asom Gana Parishad (AGP), ka la rai ban leit mudui pyrshah ia katei ka ain ha Supreme Court.

U Zoii Nath Sharma, nongialam ka seng AGP, u iathuh ba ka seng, ka la ia kynduh hynnin ka sngi bad ka la rai ban leit ujor pyrshah ia katei ka ain ha Supreme Court bad la iathuh ruh ba u nongialam jong ka seng AGP, un leit sha Delhi ban ia kynduh ia U Narendra Modi, myntri rangbahduh bad ia UAmit Shah, myntri kam poh iing ban iakren halor katei ka ain.