|
Jowai: Uwei na ki khun ka shnong Tuber Shohshrieh U Ma Bhalang Bang, ula rai ban iakhun ia kane ka election MDC naka 21-Tuber Constituency na ka seng Indian National Congress bad uba long ruh mynta u dkhot Executive Member ba pura jong ka Khliehriat Block Congress Committte.
 U Ma Bhalang Bang uba long uwei na ki treimon sngewbha ha ka imlang sahlang, hajuh ka por u bat mynta kum u Treasurer jong ka Rural Urban Development Society bad ruh uba long u dkhot ba shitrhem jong ka. Ka Rural & Urban Development Society (RUDS), East Jaintia Hills District ka dei ka seng trei mon sngewbha kaba peit ia ka bha ka miat, ka roi ka par jong ki thain nongkyndong hapoh East Jaintia Hills, kumjuh u long u briew ba sngewrit bad uba juh iarap bha shibun ha ki kam ha ka imlang sahlang.
Ka daw ba pynlong ia u ban iakhun ia kane ka Election MDC-2019 namar ba u kwah shuh shuh ban ai ka jingshakri ia ki paidbah khambha shuh hapoh ka thain hi baroh kawei.
|