Rahbor bad leh be-ijot ia ka khynnah skul, ba wan jingiaseng rShah kem 3 ngut kynthup ka longkmie

Jowai, 18 Jymmang:
Kawei ka samla lud kaba dang pule Class V- 14 snem ei ei ka rta  kala shah rahbor ha ki ar ngut k briew kiba kynthup ia uwei u Khar Muslim ha kaba ki la leh be-ijot ia ka haduh ba kam shym la tip briew satia haduh ba la thoh ia kane ka khubor.
Ka tyllong khubor kaba la iohlum ka la iathuh ba hynnin ka sngi U Blei, katei ka samla lud kaba dei shnong trai na Rattacherra bad kaba sah wai ha Dkhiah West ban pule, katba ka dang wan jingiaseng Pynpaw bad ha ka por ba ka dang leit phai sha iing, kyndit la wan kawei ka longkmie kaba la kren ia ka bad ha katei ka por ka la la niat ieid ia u shuh jong ka bad la iathuh ba mar mar katei ka khynnah ka la shah shoh jadu ha kaba ki ar ngut ki shynrang briew ki la thep ia ka hapoh kali ban kit ia ka sha ka jaka kynjah ha kaba ki la batbor ia ka.
Ka khubor ka la iathuh ba haduh mynta ka meit sngi nyngkong, katei ka samla lud kam pat shym al tip satia hynrei ka iohthiah ngai ly ngai ha iing shah jong ka ha ryngkat ka jingsynran kiba haiing ha sem jong ka. Hadien ba la ujor sha ki pulit, na ka liang ki pulit ka Khliehriat mynta ka sngi ki la ioh ban kem ia u Phaibiang Shylla na ka shnong Rymbai bad u Injarul Hussien- u khar muslim ba don dukan die juti ha Ladrymbai bad ruh ia katei ka longkmie kaba la ai jadu ia katei ka samla lud. Katei ka longkmie kadei kaba la tip kyrteng kum ka Saphawan Paslein.
Ki pulit ki dang tohkit ia kitei kiba la shah kem.