Rah u samla Ribha ha ka iakob rwai All India Radio

Shillong, 11 Rymphang:
Ha ka iakob rwai ba la pynlong da ka All India Radio,Shillong na bynta ka thaiñ shatei Lam mihngi u Ribhakupar Shadap na Meghalaya u la jop ha ka jingiakob rwai ieit ri ne sur jingrwai riewlum bad utei u la rah T.1 lak tyngka ka song pisa ka khusnam jop, katba ha ka kyrdan ba-ar pat la rah da u samla na Nagaland u Manchai Phom ryngkat ka song pisa kaba T.50 hajar tyngka. Katei ka jingiakob ka la long ha ka sngi saitjaiñ ha Aurobindo Hall, Shillong.
Ha ka jingrwai sur sepngi ka Nagland ka la rah ia ka nam jop lyngba u Seyievinuo Chuzo uba rah ia ka song pisa kaba T.1 lak tyngka katba ha ka kyrdan ba-ar pat la rah da ka Mizoral lyngba Lalramzauvi ryngkat ka song pisa ba T.50 hajar tyngka. Ia ka khusnam sha ki nongjop la bei tyngka da ka State Bank of India. Ki nongiashim bynta ki kynthup na ki station bapher bapher jong ka All India Radio nba kynthup ia ka Argatala, Guwahati, Imphal, Itanagar, Kohima, Shillong bad Aizwal.
La sam ia ki khusnam da u Vice Chancellor ka North Eastern Hills University (NEHU) Prof. Sri Krishna Srivastava, Pro Vice Chancellor of NEHU Prof Dr Henry Lamin, Additional Director General (Programme & Administration) (NEZ) All India Radio Shri D.N.Basumatari bad AGM State Bank of India Shri Rajeev Arora .Ia katei ka prkram la pynsngew ruh sha ki paidbah katba dang iaid ka jingiakhun lyngba ka North Eastern Service of All India Radio, Shillong naduh ka por 4.30 baje haduh 7.30 baje mynmiet na FM 100.1 MHz, 4970 kHz, SW- 60.36 m bad na AIR- Shillong – 864 kHz, Guwahati, Itanagar, Imphal, Aizawl, Agartala Kohima, Gangtok.