U Damangbha Wann, khun jong i Mrs. Lambok Wann bad Mr. Thirteen M. Suiam, West Jaintia Hills District, u la long u nong-Jaintia ba nyngkong eh ban ioh rah nam kum u nongjop ha ka Meghalaya’s Got Talent S3 (2018) ia kaba la pynlong ha ka 8 tarik u Nohprah 2018, ha Convocation Hall, NEHU, Mawlai. U Damang bha Wann, uba don ia ka sap (talent) rwai bad thaw jingrwai, u la jop ha kane ka rynsan pynisap kaba heh duh jong ka Meghalaya.
Ma nga, u Damangbha Wann ryngkat bad ka iing ka sem jong nga bad da ka jingkyrkhu u Blei na jrong, nga kwah ban pynpaw ka jingsngewnguh bad burom ia phi ki nongkyrshan kiba lah pynjop don burom ia nga ha ka Meghalaya’s Got Talent S3 2018. Ngam lah ban siew kylliang ia ka jingkyrshan met bad mynsiem jong phi.
Nga kwah ban ai khublei ruh ia i Sngurtimai Wahlang (Mi) bad ka iing ka sem jong i, ki hymmen bad para, ki kha ki man, ka kur WANN, ki nongshong shnong jong ka Shangpung baroh kawei, ka EU Jowai Unit bad ki paralok parajor baroh ba phin ioh ia ka met ka phad kaba koit ba khiah, ba phin nangroi nangsan ha ka jingtrei jingkthah bad jingsuk ka mynsiem. To U Blei un nang iai kyrkhu iaphi.