Ka jingialehkai bha jong U Luka Modric, ha ka World Cup 2018 ha Russia, ka la ailad ba un kiew sha ka kyrdan kum u nongialehkai ba tbit tam ha ka pyrthei, ha kaba un ioh ia khusnam Ballon d’Or.
U Luka Modric, ka lok bad ki khun kiba ia shah shondur lang ha Paris.
Katei ka dei ka khusnam, kaba la ju ioh da U Cristiano Ronaldo bad U Lionel Messi, ha ki shiphew snem ba ladep, hynrei ha kane ka kynti, la ioh rah noh da U Modric, ha kaba la pynlong ia katei ka jingrakhe ha Paris.
U Modric, u dei u nongjop uba thymmai, hadien jong U Kaka, uba la jop ha u snem 2007 bad U Modric, uba dei u nongialehkai jong ka Croatia, u dei ruh u nongialehkai uba snah bha jong ka Real Madrid, ka Club ialehkai jong ka Spain.
U Modric, ula ioh ia katei ka nam, da ka jingthep vote jong ki 180ngut ki nongthoh khubor, ha kaba ula ioh 753 point, katba U Ronaldo, u ioh 453 bad U Antoine Griezmann u ioh 414.