Nongpoh:Kan long kaei kaei ka ban sah jing kynmaw ha ka jingiathuh khana jong ka Meghalaya mynta ka sngi ha ka ba Shnong Nongpoh Ribhoi FC District ka la pynlong ia ka iakop khwai ia ki niut (Garbage fishing)ba la pynlong da ka office jong ka District Urban Affairs Unit hapoh ka Under State Urban Infrastructure Development Initiative Programes.
Ia ka ne ka jing iakop khwai ia ki niut (grabage fishing) la pynlong kum shi bynta ban pynshai lane ban ai jinghikai ia ki paidbah shaphang ka solid waste management.
Ia kane ka jingiakop khwai la pynlong ha nala heh jong ka Iew Nongpoh mynta ka sngi,ha ka ne ka sngi la ia don ryngkat u Director ka Office Urban Affairs u bah E.kharmalki u Officer Incharge u bah S.langstieh.
Ha kane ka sngi la wan ia shim bynta da ki spah ngut ki rawan kynthei bad shynrang.
Kiba la ioh ban khwai bun ki niut ki la ioh rah ia ka nam laduh ha kaba u bah Iashanbok klein u ba na Mawsyntai u la ioh rah ia ka nam laduh bad ioh rah ka song pisa ba T.7000/- bad i kong Wanrilang Ranee na Iewmawlong i la long ba ar bad ioh rah ia ka song pisa ka ba T4000/- bad ia ka nam ba lai la ioh rah da u Rickshong Mawphniang bad ioh ia ka song pisa kaba T2000/-.
U nong pyniaid ia kane ka prokram dei u bah A. Kharkongngor u ba long u Rangbah shnong ka Iewmawlong Nongpoh u la ong kane ka dei ka jing pynkyndit thiah ia baroh ka wei ka shnong ba ngim dei ban bret pathar ia la ki niut ha ki kynti synkien lane ha ki um ki wah ne ki nala shnong.
Phi don ban ong eiei?