Shillong: U Bah Thomas Rongthaluh u dkhot ka Meghalaya Wushu Association (MWA) uba dei na Ri-bhoi District, u la rah takma rnong na ka lumpung 27th Senior National Wushu Championship kaba dang shu kut mynta ka sngi ha ka nongbah Shillong kaba sdang naduh ka 10 tarik Risaw 2018 ha Assam Regimental Centre, Happy Valley, Shillong.
U Bah Thomas u dei tang ma u, uba la jop ia ka takma rnong na kane ka lumpung na ka jylla Meghalaya uba la jop na ka Taolu (Taijiquan Optional event).
Ha kane ka jingialehkai, la wan iashim bynta kumba 900 ngut ki nongialehkai na kylleng ka ri. U Lat ka jylla Meghalaya u la shim ia ka bynta kum u kongsan ha ka sngi kut ban sam ia ki khusnam. Ka kynhun ba la rah ia ka nam lahduh baroh ka dei ka SSCB (kynhun shipai), bud sa ka Manipur.