Rah suk ka Murmu, ia ka elekshon President ba 15 jong ka India

Ka kyrtong President jong ka kynhun NDA, ka Droupadi Murmu, ka la ioh palat ia ka 50 percent jong ki vote bad kumta, ka la jop ia ka elekshon kum ka President ba 15 jong ka India.

Ha ka kylla kaba lai, ki don 1,333 ki vote kiba trei kam, ha kaba ka Murmu, ka ioh 812 vote bad U Yashwant Singh, u ioh 521 vote. Baroh ki vote, kiba trei kam, ki long 1,65,664 vote.

U PC Mody, uba dei U Returning Officer, u iathuh ba ha ka kylla kaba lai, ki don 3,219 tylli ki vote kiba treikam bad kaba long 8,38,839 vote. Na kitei ka Murmu, ka ioh 2,161 vote lane kaba long 5,77,777, katba U Yashwant Sinha, u ioh 1,058 vote, kaba long 2,61,062 vote. La iathuh ba ki don 17ngut ki MP, kiba thep vote tam sha ka Murmu. U Mody, u iathuh ba ki vote jong ki 15ngut ki MP, ki long kiba trei kam bad 8ngut ki MP, kim shym la shim bynta ha ka jingthep vote.

Uwei U MP, u don ia ka vote kaba 700 vote, ha ka elekshon President bad ki don 538ngut ki MP, kiba kyrshan ia ka Murmu, wat la ki don ki bym shym la vote ruh.

U Narendra Modi, myntri rangbah duh, ha ryngkat bad ki myntri jong ka sorkar India, kin ia kynduh ia ka Murmu, mynta ka janmiet, ban ai khublei halor ka jingjop jongka, ong ka khubor.