Rah plakad ki HYC ha ki 2 na ki 3 tylli ki jaka ba plie kam pynroi Conrad Sangma ha Ri Bhoi

Nongpoh: Ha ka sngi kaba u Conrad K. Sangma, Myntri Rangbah ka sorkar jylla, u la hiar sha Ri Bhoi, na ka bynta ban plie paidbah ia 3 tylli ki kam pynroi ha Ri Bhoi, kata ha Patharkhmah, Marmain bad ha Pahamsyiem Nongpoh, ki dkhot ka HYC Ri Bhoi, ki la rah Plakad ha ryngkat ki jingpyrta No ILP No Rest ha ki 2 tylli ki jaka.

Ka jingrah Plakad bad ka jingpyrta dawa ILP da ki dkhot ka HYC, kaba nyngkong la iohi ha ka por ba u Myntri Rangbah, u la leit ban plie paidbah ia ka Patharkhmah Civil Sub-Division, hadien kata pat ha ka por ba u leit plie ia ka GNM Nursing School ha Pahamsyiem, hynrei kaba lait shah rah Plakad ka dei tang ha ka por ba u leit ban plie ia ka Marmain PHC.