Rah plakad ka KSU ha ka sngi iuhkjat u Myntri sorkar pdeng ha Kyrdemkulai

Nongpoh:Mynhynnin ka sngi ba u Narendra Singh Tomar, myntri ka sorkar pdeng bad uba dei peit ia ka tnad Agriculture & Farmers Welfare, u la leit ban iuhkjat ha College of Agricultural (COA) kaba don ha Kyrdem kulai, ki nongialam lem bad ki dkhot ka Khasi Stu dent Union (KSU), mynta ka sngi ki la leit ban rah plakad ha khyrdop katei ka COA, kaba long kum ka jing pyr shah halor ka jing kular kai ka sorkar pdeng, kaba la pyn kylla College of Agricul tural ha jaka jong ka Central Agricul ture University.

Katei ka jingleit iuhkjat jong utei u Myntri ka sorkar pdeng ha katei ka COA, ka long na ka bynta ban leit plie ia ka Administrative unit Block, Academic Block bad ka Girls Hostel, hynrei hashwa ba utei u Myntri un poi ha katei ka jaka, ki dkhot ka KSU, ki la leit ban rah da ki plakad ha ryngkat ki jingpyrta ha khyrdop katei ka COA.

Ia katei ka kam ban rah plakad ha katei ka jaka, la ialam da u Samla Donald V Thabah, General Se cretary, u samla Biang bor Paliar, Vice Presi dent, u Bah Ferdynald K Khar kamni, Pre sident ka KSU, North Khasi Hills District lem bad shibun ki nong ialam ka jong katei ka seng.
Haba iadei bad katei ka jingleit ban rah plakad ha katei ka jaka, u Samla Donald V. Thabah, haba kren sha ki lad pathai khubor, u la ong ba ka seng, kam banse ban shim ia katei ka sienjam ban pyrshah jur halor katei ka jingleit iuhkjat jong utei u Myntri ka sorkar pdeng ha katei ka jaka, namar ka jingpyrshah jong ka seng ka dei hadien ba ka sorkar pdeng hi kam shem la sngap ne pynurlong ia ka jingdawa ban pynkylla ia ka College of Agriculture sha ka University, kaba dei ruh ka mat jingdawa ba ka seng ka la dep ban dawa ha kine ki snem kiba la leit noh baroh, ha kaba wat na ka seng ki la leit ban kynduh ne wat ban phah jingthoh sha utei u Myntri ka sorkar pdeng.

Shuh shuh, u la ong ruh ba katei ka jingpyrshah jong ka seng ka dei halor ka nongrim kaba dei naduh u snem 2010, ha kaba ka jingthmu ka sorkar pdeng bad ka sorkar jylla ka long ban wanrah beit da ka University ha Kyrdemkulai, hynrei katei kam shym ka urlong satia, namar mynta la shu ai pat tang da ka College, kaba long pyrshah ia ka jingiakut ne jingkular hadien ba la dep ruh ban pynioh ia ka jaka kaba heh haduh 420 akar.

Namarkata, na ka liang ka KSU hi ka dawa ruh, ba ia ka Central Agriculture University kaba dang hap ha ka jingpeit jingkhmieh jong ka jylla Manipur, ka dei kaba la pynduhnong shikatdei ia ki samla pule bad ki nongrep, kumta ka Central Agriculture University ka ban don ha Meghalaya ka dei beit ban hap ha ka jingpeit jingkhmieh jong ka sorkar jylla Meghalaya, u la bynrap.