|
Shillong: Ha ka 22tarik Nohprah 2018, la pynhap pyrda noh ia ka 2nd MLA Cup football tournament jong ka 13th Mawryngkneng constituency. Ha kane ka sngi u MLA jong ka Thain Bah David Nongrum bad u MLA jong ka Shillong West Bah Mohendro Rapsang ki lah long kum ki kongsan bad la ia don ryngkat lang ruh bad u Sordar jong ka shnong Sohryngkham Bah Isra Dkhar, ha ryngkat ki rangbah kyntoit jong ka shnong Sohryngkham lem bad ki riew rangbah jong ka shnong bad na ka Thain Mawryngkneng constituency, kiba la ia wan ban ia synran lang bad sakhi ia jane ka jingialehkai Final kaba long hapdeng ka Diengpasoh SC pyrshah ia ka Mawkasiang SC.
 Ka Mawkasiang SC ka la ioh ban rah ia ka jing jop ha kaba ka la lah ban pynliem ia ka Diengpasoh SC da shi lol la nod. Ia ka kol ka Mawkasiang SC ka la ioh ban thep ha ka Extra Time bad ka la ioh ban rah ia ka song tyngka kaba shi lak tyngka ryngkat ka Trophy bad ka Diengpasoh SC ka ba wan ba ar ka la ioh ban rah ia ka song tyngka kaba long San phew hajar tyngka ryngkat ka Trophy katba ka Mawdieja SC kaba wan balai ka la ioh ban rah Khatsan Hajar tyngka ryngkat ka Trophy bad ka Thangshalai SC kaba wan basaw ka la ioh rah Shiphew hajar tyngka ryngkat ka Trophy.
 |