Shillong: Da ki phew ngut mih ki nonghikai jong ka skul Pine Mount School, Shillong, ha ka sngi ba ar, ka 6 tarik Nailur 2022, ki la ia mih paidbah, ha ryngkat ki lama iong ban pynlong ïa ka jingïakhih, ha phyllaw jong ka skul ban pyrshah ïa ka sorkar, halor ki mat jingdawa kiba sah teng kiba khlem pynurlong katkum ka jingsawa ba ka dei ban weng noh mardor ïa ka Principal jong kane ka skul ka Kong Aiom Ksiar Diengdoh, namar ka jingbym lah jong ka, ban pynurlong ïa kiba bun ki jingdonkam kiba kum ka skul bad ki khynnah pule ki donkam.
Kane ka jingjia, ka la pynkyndit thret ïa ki paitbah, namar kadei ka sngi kaba nyngkong ba kane ka skul Pine mount kaba dei ka skul kaba la paw ha nongbah Shillong, ba ki nonghikai, kin pynlong ia ki jingiakhih.
Kine ki nonghikai ki la mih ban ïakhih, hadien ba ki la pyndep ïa ka kamram ai jinghikai bad ki la ïathuh ba kane ka jingïakhih jong ki, ynda wai skul ka long ban ym pynthut ïa ka jingai jinghikai kaba ki khynnah skul ki donkam.
“Ki la ong ngim shym la knieh ïa ka hok ba kin ioh jinghikai, hynrei ki ioh ka jinghikai kumba ki ju ioh man ka sngi, namar ngi ïakhih ruh ynda la wai skul khnang ba kan ym long maw jynthut ïa ka pule puthi jong ki”.
Haba ioh jinglum, katkum ka jingiathuh ki katto katne ngut ki nonghikai kiba rah lama iong ki la ong ba ka jingïakhih ka long ba namar ba ka sorkar kam sngap ïa ka jingdawa kaba kiba buh la katto katne por, hynrei dei namar ba ka sorkar kam pynurlong ba kim banse ban shim da kane ka sienjam bad lada kin bteng kin dang bteng shuh ka jingiakhih nangne sha khmat ba lada ka kim shem la pyn sngap kin shim sa da kiwei pat ki ki lynti.
Ngin ia tylli para khasi