Rah kiba kam pulit ia u samla

Shillong, 28 Nailar:
Uwei u samla u la shah rah ha ki briew kiba kam kum ki pulit naduh Mawiong shaduh ban jan poi ha Mawprem.
Katkum ka khubor na ki pulit, kane ka la jia ha ka janmiet 27 tarik Nailar katba u samla Albert Sohtun (29 snem) u dang wan bad ka hymmen da ka kali Bolero pick-up (A/F) na thain R-Bhoi, ynda poi ha Mawiong Mawteng ka la aksiden bad kawei ka maruti.
Namar kane ka jingjia, kitei ki briew kiba shong ha Maruti kynthup u nongniah kiba kam kum ki pulit, ki la sei ia u samla Albert na katei ka kali bad ki la thep ha ka kali ia u shaduh ban jan poi ha Mawprem bad ki la shoh la dat ia u.
Halor kane, ka jingjia ki pulit ki la ioh ruh ia ka jingujor na ka hynmen u Bah Albert ka kong Crescencia Sohtun ha Mawlai Police Station bad mynta ki dang pynlong ia ka jingtohkit.