Rah ki thei ka Mawphlang bad ki rang ka Mylliem ha ka U-12

Shillong: Ka lumpung ialehkai phutbol ki khynnah hapoh 12 snem jong ka East Khasi Hills, kala kut ha kane ka sngi Balang ha madan JN Stadium, Polo Shillong. Ha kane ka jingiakhun, ki thei ka Mawphlang Block ki la rah ia ka nam lahduh katba ha ki shynrang la rah da ka Mylliem Block.

Ia kane ka jingialehkai U12 – District Level CMYDS Football Tournament 2019 jong ka East Khasi Hills District la sdang naduh ka 22-24 tarik Iaiong.
Ka Mawphlang kala pynliem ia ka Khatarshnong block da 3-0, ha kaba ka Antisha Nongneng kala thep ia kine ki 3 kol ha ka 4, 44 bad 49 minit.

Ka Mylliem pat kala pylliem ia ka Mawkynrew ha ka jingiakhun ki shynrang, da 2-0 kol. Ia kine ki kol la thep da u Nehemaiah Warbah ha ka 15 bad 21 minit.
Ia ki takma, khusnam bad syrnot la sam da u bah Arki Nongrum – CEO MFA, bah Daniel Dan – DSO East khasi Hills, bah Bobby L Nongbet – Head Coach East Khasi Hills, bah Rohit Nongspung – Coach JNS Grassroots Centre