Shillong: Ka kynhun metiaw ne ka MLP Veteran ka la ïohrah ïa ka nam lahduh hadien ba ka la lah ban pynliem ïa ka Momentum Friendships da 21 run ha ka phainal ka 1st Knock Out Tennis Ball Cricket Tournament Open To All 2020 ba la pynïaid da ka Mawlai Umthlong Local Dorbar ha madan Lummawnei ha ka sngi Saitjaiñ ka 22 tarik u Rymphang, 2020.
Ka MLP kaba la mih madan nyngkong ka la lah ban kamai 115 run na ki 15 over ba ki la ïalehkai. Haba wan ban kthong ka Momentum ka la lah ban kamai tang 94 run bad liem lut ki wicket, ha kaba ka MLP ka la jop da 21 run ha kane ka jingïakhun final kaba itynnad.
Ka MLP kaba la ïohrah ïa ka Trophy ryngkat bad song pisa kaba T.20,000 Hajar bad ka Momentum kaba la wan ba ar ruh ka la ioh rah ïa ka trophy ryngkat bad ka song ba T.10,000 Hajar.
U Rajiv Rai Singh u la ïoh khur ïa ka nam Man of the Match halor ka jinglah ban ïalehkai bha ka jong u. Katba u Gautam Chetri u la ïoh khur ïa ka nam Man of the Series hadien ba u la ïoh khur ïa ki lai tylli ki spah run ha kane ka jingïalehkai, u Chetri u la ïoh khur ruh ïa ka nam Man of the Match ha ka semi final ba nyngkong bad u Kenny Wann ïa ka semifinal ba ar.
Phi don ban ong eiei?