Rah ki khynnah pule PG ka NEIGRIHMS ia ka Eastern Zone Hematology Quiz

Shillong: Ka kynhun jong ki khynnah pule Second Year Post Graduate jong ka tnad Pathology NEIGRIHMS kaba kynthup ia i Dr. Junali Das bad i Dr. Devina Laishram, ka la jop ia ka Eastern Zonal Quiz in Hematology kaba la long ha Kaziranga ha ka 22 tarik u Nailur 2019.

Kane ka Quiz ka dei ka ba ju pynlong man la u snem da ka Indian Society of Hematology & Transfusion Medicine (ISHBT) kaba dei ka kynhun kaba nyngkong eh jong ki hematologist bad hemato-pathologist ha India.

Ka team mynta kan leit iakhun ia ka National level quiz ka ban long ha Delhi kum ka team ba mih khmat na ka Eastern Zone. Ka Eastern Zone ka kynthup ia baroh ki jylla jong ka Thain Shatei Lam Mihngi, West Bengal, Bihar, Jharkhand, Odissa bad Chattisgarh. Ia kane ka Quiz la pynlong ha ki 4 bynta – College level, State level, Zonal bad National level. Kane ka dei ka sien ba nyngkong ba ki khynnah pule na NEIGRIHMS ki la jop ia ka Zonal level bad poi sha ka National level.
Ha kajuh ka jingiakop, i Dr. Junali Das i la rah ia ka khusnam best poster na ka bynta ka paper jong i, “Pure Red Cell Aplasia – Report of a Case Series.”