|
Shillong: Ka St. Anthony College ka la rah ia ka nam lahduh jong ka lympung ialehkai NEHU Inter College Cricket (shynrang) Tournament 2017-18 hadien ba ka la pynliem ia ka Shillong College da 7 wicket.
Ha ka jingialehkai, ka Shillong College kaba tied nyngkong ka kamai 82 ron na ka 19.5 over hadien ba hap lut baroh ki wicket. U Rapborlang Kharmih u kamai ia ka Shillong College 19 ron na 34 bol katba u Rahul Shah ka St. Anthony’s College u pynhap 3 wicket ha ka 4 over hadien ka 17 ron. Haba beh ia kane, ka St. Anthony’s College ka kamai 88 ron hadien ba la hap 3 wicket ha ka 11.4 over. Ka St. Anthony’s College ka la lah ban pylliem da 7 wicket bad ka long ka lahduh jong kane ka jingialehkai. U Bikash Thapa ka St. Anthony’s College u la tied 40 ron ha ka 43 bol. Ha kane ka jingialehkai, u Akash Kumar Choudhary ka St. Anthony’s College u la ioh ia ka khusnam Man of the Match bad u Kishan Lyngdoh ka Shillong College kum u Man of Series. Ha ka prokram sam khusnam la don lang u Dr. S. Umdor u Secretary, Sports Board, NEHU, General Secretary, Meghalaya Cricket Association, u Naba Bhattacharjee, General Secretary, Shillong Cricket Association, u Bah Gidion Kharkongor, Principal, St. Anthony’s College, Br. (Dr) Albert L. Dkhar bad u Assistant Director (Sports) u N. Das. |
