Rah ka skul Synod, ha ka rwai KJDSTA

Shillong 27 Iaiong:
Ka Synod Higher Secondary School Shillong ka la rah ia ka nam lahduh ha ka kop rwai jong ki skul ba la pynlong da ka KJDSTA Mawkhar-Jaiaw Zone ha kane ka sngi Saitjain ba la dep.
Ka Synod Higher Secondary School kan leit ban mihkhmat pat sha ka jingiakop jong ka KJD STA kaban long shen ban iaknieh ia ka nam lahduh.
Ka KJDSTA ka la pynlong ia kane ka jingiakop rwai kum shi bynta ban rakhe ia ka jingdap 35 snem ka seng ne ka Coral jubilee. Ha ka liang ka jingiakop jong ki nonghikai, ka Jaiaw Presbyterian Higher Secondary School ka la rah ia ka nam ba nyngkong. Kine kin leit iakhun sha ka phainal jongka jingiakop ka KJDSTA kaban long ha u Jymmang ban wan.