Shillong: Ha ka janmiet 1 tarik rymphang 2020 ka la pynlong ia ka Miss Saphai ha kaba la wan ban sakhi da ki phew spah ngut ki paid bah kylleng ka thain ba markhap jong ka Saphai ka jingpynlong kum ia kane ka jing ia kop pyni dur bhabriew ka long kum shi bynta ban pynlong tylli ia ki khun samla kynthei jong ka shnong ka thaw kum juh ruh ban pynproh ia ka jabieng kumno ban tip ia ka imlang sahlang ha ka shnong ka thaw.
Ia kane ka programme la ialam khmat da u Rangbah Shnong jongkane ka thain u Bah Anthony Bareh ha ryngkat ki nongkit kam shnong ki longkmie ryngkat ki samla ka shnong na ka bynta ban pynmih pisa ia ka jing donkam jong ka shnong.
Ha kane ka miet ka samla Mandakaro Tynkan ka la ioh ban rah ia ka Miss Saphai 2020 la pynkup ia ka pansngiat da kawei ka nongbishar kata ka dei ka samla Great Mercy Langte kaba la long ruhteng ka Miss India Goodness Ambassador bad iba la jop teng ruh kum ka Miss Popular ka Fashion Wizard Mega Model Hunts ha u snem 2019 bad ia ka nongjop ba ar pat la ioh rah da ka samla Samanki Synnah la pynkup ia ka pansngiat da ka kong Ridalin Sohtun, kaba dei ruh ka dkhot jong ka AMDA bad ka actress jong ki shibun ki Album Khasi, kaba long kawei ka nongbishar bad ia ka nam ba lai la ioh rah da ka Wandapynsuk Biam la pynkup pat ia ka pansngiat da U Bah Kitbok Thabah u badei ruh u President jong ka All Meghalaya Dancers Association uba la ialam lynti ruh ia ka samla Great Mercy Langte, bad ia ka Miss Sub Title la ioh rah da ka Kdangnud Tynkan ha ka nam best skin bad ia ka nam best hair la ioh da ka Verty Papang, best cat walk la ioh biang da ka Mandakaro Tynkan la sam ruh ia ki khusnam da u kongsan u Ma Jop ait Syngkon bad u symbud kongsan da u Klemen Pala.
Na ka liang u kongsan bad u symbud kongsan ki la ai ia ki kyntien kyntu kynpham ia ki samla ki ba la ioh ban rah ia ka nam kumjuh ruh ia kito ki bym shym lah ban poi shakhmat ba kin dang iaipyrshang la shemsnem pat bad ki la kyntu ruh ia ki khun samla jong ka thain Saphai ban burom ia ka shnong ka thaw kum juh ruh iaki ain shnong bad ban wanrah ruh ia ka khuid ka suba ia ka shnong baroh kawei. La ioh ia ka jing ai khublei khatduh na u Rangbah shnong Saphai u Anthony Bareh u ba la ia iaroh ia baroh ki dkhot nong kit kam jong ka Dorbar Shnong kumjuh ruh ia ki nongbishar ki ba la ia donlang ban pynlong ia kane ka tamasa kaba na duh mynsngi haduh ban da miet kaba la wanrah shisha ia ka jingjop.
Phi don ban ong eiei?