Rah ka samla Irene Dkhar, ia ka nam kum ka Miss North East

Ka Kong Irene Dkhar na Meghalaya, ka la ioh ia ka nam kum ka Miss Northeast, ha ka jingiakob, hynnin ka miet ha Capital Cultural Hall, Kohima.

Ka samla Irene, ka ioh khung ruh ia ka buskit kaba T.1.5lak ha ryngkat bad kiwei ki jingai sngewbha. Ka Eshanee Hatimuria na Assam, ka wan, ha ka kyrdan ba ar bad ka Dyna Jomo na Arunachal Pradesh, ka wan ha ka kyrdan balai bad kitei ki ioh ia ka buskit kaba T.1lak bad T.70hajar.

Ki jingjop ha ki kyrdan bapher, ki long Miss Photogenic – Eshanee Hatimuria (Assam); Miss Perfect Ten – Irene Dkhar (Meghalaya); Miss Talent – Eshanee Hatimuria (Assam); Queen of Hearts – Lika Chophy (Nagaland); Miss Beautiful Skin – Manasha Devi Sapam (Manipur) and Miss Multimedia – Dyna Jomo (Arunachal Pradesh).

Kane ka dei ka sien ba nyngkong, ban pynlong ia ka jingiakob Miss Northeast, ha kaba la pyniaid da ka Northeast Beauty Pageant Organisation, ha kaba la pynlong da ka Beauty and Aesthetic Society of Nagaland (BASN) ha ka jing iatreilang bad ka sorkar Nagaland.