Mairang: Ka Hynniewtrep Association ha ka 26 tarik u rymphang 2022, ka la pynkut noh ia ka Grand finale jong ka Hynniewtrep Idol season 1, kaba la pynlong hapoh ka shnong Mairang bad ka la long kaba iphuh iphieng bha namar ki nongiashim bynta baroh ki don haduh 28 ngut ki ba dei na ki wei ki wei ki thain ka ri khasi .
Ha kane sngi ia ka nam lah duh la ioh rah da ka samla Daphilakhamti Mary Pyngrope ia ka khusnam kaba 20 hajar tyngka, ha ka kyrdan ba ar pat la ioh da u samla Karvinroy Kharmawphlang ia ioh ia ka khusnam kaba 15 hajar tyngka bad ha ka kyrdan ba lai lah ioh da u samla Dio Medi Diengdoh kaba 10 hajar tyngka bad 10 ngut ki consalotion prize ryngkat bad ki syrnot.
Ha kane ka sngi la ioh ban pynshongshit ia ki paidbah da ki nongtem DJ kata na u DJ BANLUM bad na u DJ YANKEE bad hadien ba la kut ka jingiakop rwai ki nongiashim bynta la ioh ia ki jingkren na u symbud kongsan u bah Osborne Kharjana nangta na u pastor Shanlang Warjri na u bah Kitbok Thabah u ba dei u President jong ka All Meghalaya Dancer Association ( AMDA ) bad na ka kong Madona Langstieh na u bah Oristar Syiemtwa bad na u bah Artis Ryntathiang uba dei u Vice president ka HYC NWKH .
U Bah Jana Nongbet u ba dei ban long kum u kongsan ha katei ka lynpung ia kop rwai um shim lah ioh shuh ban wan ban ia donlang ban sakhi na ka jingshitom bad u la phah noh da u bah Mixtar Marngar u ba dei u President jong ka Congress Mawthadraishan bad u la phah ruh da ka cheque kaba 2 lak tyngka sha kane ka Hynniewtrep Association.
Phi don ban ong eiei?